السلام عليكم ورحمة الله وبركاته
في اي تصنيف بنسمعه عن دول العالم بنسمع مصطلحين”دول العالم الاول” و “دول العالم الثالث” عمرك سالت نفسك عن ايه هي دول العالم الثاني و مين الي قسم دول العالم للاقسام ديه؟
اهلا بيكم
هنجاوبكو علي سؤال
“ليه مبنسمعش عن دول العالم الثاني”
تعرف ترد تقول ايه
في فترة الحرب الباردة مابين امريكا و الاتحاد السوفيتي ظهرت فكرة تقسيم العالم الي ثلاث مجموعات.
وكان الغرض منها هو تقسيم الدول علي حسب القوة الي بتنحاز ليها زي امريكا او الاتحاد السوفيتي.
فمثلا : دول العالم الاول هي الدول الي بتنحاز لامريكا وبتستعمل النظام الراسمالي زي كندا وانجلتر.
اما عن دول العالم التاني هي الدول بتنحاز للاتحاد السوفيتي الي بتستعمل النظام الشيوعي.
اما دول العالم الثالث ببساطة هي الدول الي فضلت محايدة خلال فترة الحرب زي سويسرا.
بعد انتهاء الحرب الباردة المفروض منسمعش الاسماء ديه تاني
بس الغريب ان لحد دلوقتي بعض الناس بيستعملو المصطلحات ديه لما بيتكلمو عن دول معينة
تعالو نوضح ده..
بعض الناس بتسخدم مصطلح دول العالم الاول علشان يشيرو الي الدول المتقدمة والسبب لكده ان معظم الدول المتقدمة هي دول راسمالية وديمقراطية زي دول العالم الاول سابقا
واتسمت متقدمة عشان هي متقدمة في مجالات كتير زي المجالات الاقتصادية والصحية والتكنولجية والصناعية و العلمية وبتتفوق عن غيرها من الدول في امتلاكها معدلات عالية في الناتج القومي و متوسط دخل الفرد.
اما عن دول العالم الثاني
فالمصطلح ده منقرض او نادر الاستخدام.
وتعتبر دول العالم الثاني ارض خصبة للمستثمرين عشان الدول ديه بتتوافر فيها مقومات الصناعة والتطور الاقتصادي.
عشان كده تعتبر مثالية للمشاريع الناشئة . فهي دول اقل تطور من دول العالم الاول واكتر تطور من دول العالم الثالث.
وتعتبر دول أمريكا اللاتينية و تركيا و جنوب أفريقيا و تايلاند، وبعض الدول الأخرى من دول العالم الثاني.
اما دول العالم الثالث
الي هي ببساطة الدول الفقيرة والنامية وبتكتر فيها الامية ونسب الوفيات و بتقل فيها معدلات التنمية البشرية وترتفع فيها معدلات البطالة.
معظم دول العالم التالث موجودة في اسيا و افريقيا والشرق الاوسط.
والمفرض ان المصطلحات ديه انتهت مع انتهاء الحرب الباردة.
وتعتبر المصطلحات دية غلط لان بكده تعتبر الصين من دول العالم الثالث.
برغم من تطورها الاقتصادي و العلمي والصناعي و تعتبر ثاني اقوي اقتصاد في العالم بعد امريكا بحسب منظمة التجارة العالمية.
ولكنها تعد دولة نامية والسبب ببساطة هو متوسط دخل الفرد قليل جدا.
ودولة زي سويسرا تعتبر من دول العالم الثالث لانها لم تنحاز الي اي طرف من اطراف الحرب.
وبكدا نكون عرفنا “لماذا لا نسمع عن دول العالم الثاني”
المصادر:
1- investopedia
2- wikipedia
❤️❤️
التنبيهات : هل فعلا الصابون مضر للبشرة ؟ | علشان لو حد سالك
التنبيهات : مين كسر مناخير ابو الهول؟ | علشان لو حد سالك
التنبيهات : هو فعلا في مباني ممكن نشوفها من الفضاء | علشان لو حد سالك