ليه بنستخدم اللون الاحمر في اشارات التحذير والخطر

ليه بنستخدم اللون الاحمر في اشارات التحذير والخطر

ليه بنستخدم اللون الاحمر في اشارات التحذير والخطر من كام يوم وانا مروح للبيت في الطريق المعتاد بتاعي .

وفي وسط الزحمة بتاعت وسط البلد

مستني العشرين ثانية الباقيين علشان لون اشارة المرور يتغير من الاحمر للاخضر.

جه في دماغي سؤال غريب  ليه الاشارة المرور لونها احمر  مش زرقاء مثلا او لونها ابيض او اي لون تاني .

و كمان اشارات العربيات الي في الطريق برضو لونها احمر ايه السبب لكده.

اكيد في سبب  انهم يحطو اللون الاحمر في كل اشارات التنبيه او الخطر.

ده الي هنعرفه في حلقة النهاردة

اهلا بيكو

هنجوبكو علي سؤال “ليه بنستخدم اللون الاحمر في اشارات التحذير والخطر

علشان لو حد سالك

تعرف ترد تقول ايه

تفاصيل بسيطة ممكن تكون بتتكرر كل يوم قدام عيونا و ومبنخدش بالنا منها او مبندلهاش اي اهتمام .

لو ركزنا لثانية في القايمة البسيطة ديه .

  • اشارة المرور
  •  سيارة الاسعاف
  •  صفارات الانذار
  •  سيارة الشرطة
  • علامة الخطر
  • اشارة توقف

هنلاحظ ان محتويات القايمة ديه بتشترك في عنصر واحد .

كلهم بيتشركو في اللون الاحمر .

طب ايه هو السبب للتصميم بالون ده اللون الاحمر

 لون بنشوفه في حياتنا اليومية بشكل مستمر في الشوارع والاماكن العامة زي المدارس و محطات القطارات و المستشفيات والجامعات

ايه هو المميز في اللون الاحمر وازاي استحق المكانه بتاعته ديه.

الاجابه بتاعت السؤال ده ببساطة هي

علشان نستعمل اشارة للخطر لازم تكون ملفته للنظر

وكمان ممكن تلاحظه من مسافة بعيدة.

ويكون في النطاق المرئي للبشر.

وعلشان كده اختارنا اللون الاحمر

 لان الضوء الاحمر بيمتلك طول موجي طويل

ونتيجه لكده نسبة التشتت بتكون قليله مقارنتا بباقي الالوان.

ثانية واحد كده وارجع تاني

اقراء ايضاً : ليه الدول بتغير العملة الورقيه بعملات بلاستيكية؟

ايه علاقة التشتت والطول الموجي باللون الاحمر في اشارات الخطر.

وكمان ايه هو النطاق المرئي للبشر.

اول حاجه هنتكلم

يعني ايه النطاق المرئي للبشر

النطاق المرئي للبشر بيتكون  من سبع اطيف الي هما معرفين بالوان قوس قزح

 بتتكون من الطيف الازرق الي الطيف الاحمر

الطيف الازرق اقل طول موجي واكثر تشتت

 اما الطيف الاحمر اطول طول موجي و اقل تشتت.

معني كده كل ما الطول الموجي يزيد التشتت يقل .

طب سؤال تاني مهم يعني ايه اصلا تشتت.

يعني ايه مبدا التشتت الفيزيائي

  هي ظاهرة انحراف الضوء عن مساره لما بيصطدم بشي

زي الغبار او بخار الميه او جزيئات الهواء.

ونتيجة لكده بيتغير مسار شعاع الضوء الي مسارات مختلفة بعد اصطدامه .

اقراء ايضاً : شويه معلومات عن مخ الانسان ممكن تبقي غريبة

معني التشتت .

والتشتت بيزيد لما الطول الموجي بيقل

تعتبر علاقة عكسية .

وبكده اللون الاحمر بيحقق الشرطين انو بيكون في النطاق المرئي للبشر ونسبة تبعثره او تشتته قليله بنسبة لباقي الالوان .

لازم تكون الاشارات التحذريه مرئية حالة الضباب و الدخان و توصل لمسافة بعيدة.

وعلشان كده كان الاختيار علي اللون الاحمر لانه اقل تشتت.

وبكده نكون وصلنا لنهاية الحلقه وجاوبنا علي سؤال

” ليه بنستخدم اللون الاحمر في اشارات التحذير والخطر “

علشان لو حد سألك

تعرف ترد تقول ايه .

السابق
شويه معلومات عن مخ الانسان ممكن تبقي غريبة
التالي
الصور زمان الناس فيها مش مبتسمين

اترك تعليقاً