عمرك سألت نفسك ليه العالم كله متفق على ان اليوم ٢٤ساعه .
لية الوقت بالذات هو الى متفقين علية .
مع ان فى اختلاف كبير في نظم الحساب
زي الوزن والطول والمساحة
أمريكا مثلا معتمدة نظام الميل.
علي الرغم من ان بقية العالم معتمدين علي الكيلو متر
وكمان في دول معتمده فى حساب الوزن على الرطل بدل الكيلو
وفى بلاد معتمدة على الانش لحساب الطول بدل المتر .
طب لية الوقت فى اتفاق علية .
اهلا بيكو هنتكلم النهارده عن “ ليه اليوم 24 ساعة“
علشان لو حد سالك
تعرف ترد تقول ايه
اجابة السؤال دة ليها علاقة بالحضارة القديمة .
اقدم حاجة فى نظام اليوم ده هتلاقيها عند الفراعنة.
الفراعنة فعلا كانوا عباقرة.
كانوا مقسمين النهار ل١٠ ساعات
كان بيعرف الساعة كام من خلال ادوات كتير اهمها ساعة الظل.
وكمان كانو بيضيفوا ساعة فى بداية اليوم وساعة فى نهاية اليوم .
ويكون معانا ١٢ساعة بالنهار محسوبة بدقة .
وبس ده نظام بيعتمد علي الشمس
طب بليل هنعرف الساعة كام لان ساعة الظل معتمده علي الشمس
وطبعا القمر مش هيعمل نفس وظيفة الشمس
وعلشان كده اعتمد المصريين القدماء نظام مختلف
و هو النجوم
وهى عبارة عن مجموعات من النجوم تسمى بالعشريات او ديكان .
وهم عبارة عن ٣٦مجموعة من النجوم
ظهورها يكون متزامن فى السماء ليستخدمها المصرى لتحديد ال١٢ساعة بدقة تامة.
ومن اهتمام المصريين القدماء الشديد للوقت كانوا مهتمين انو حتى الميت يعرف يحدد الوقت .
وبالفعل تم العثور على جداول تساعد فى التعرف على الوقت باستخدام نظام النجوم مع جثث المحنطة .
وفى التاريخ العظيم للمصريين القدماء حددوا اليوم ٢٤ساعة .
بس برضو مش المصريين بس هما الي اكتشفو النظام ده
الحضارة البابلية
البابليون برضو كان ليهم الفضل في تطوير نظام الوقت
فالبابليون هما الي قسموا الساعة ل٦٠ دقيقة .
والدقيقة ل٦٠ ثانية.
ولحد دلوقتي عندنا اليوم بيتقسم الي ٢٤ساعة و٦٠دقيقة و٦٠ ثانية.
وبكده نكون عرفنا ليه اليوم 24 ساعة
بس في سوال مهم هنا ازاي بقي العالم كله دلوقتي بيستخدم النظام ده
وكمان الاختلافات في التوقيت مظبوطه بدقه عالية
الوضع او النظام ده مكنش بشكل ده طول الوقت
كانكان كل دولة لها توقيت خاص بها .
و مش كده وبس ده كان في مدن جوه الدولة ليها توقيت مختلف
عندك مثلا امريكا كان فيها ٣٠٠ توقيت مختلف .
فلو مثلا شخص ركب القطر فى امريكا تقريبا مع كل مدينة هيعدى عليها لازم يظبط الوقت حسب ساعة
طبعا الكلام دة مينفعش
وكان لازم يتغير عشان وضع التجارة والتعامل بين الدول يبقى بالشكل الى شايفينة النهاردة .
وبالفعل سنة 1878 مهندس كندى اسمة السير سانفورد فليمنج .
اقترح تقيسم العالم ل24 منطقة زمنية الفرق بينهم 15 درجة طول على الخريطة .
لأن الأرض بتدور 15 درجة كل ساعة يعنى 360 درجة كل 240 ساعة .
وبالفعل تم اعتماد النظام الخاص بسانفورد على مستوى خطوط السككك الحديد .
وعام 1884 تم عقد مؤمتر فى نيويورك لتحديد خط الطول 0
وتم اختيار انجلترا ليمر بها خط جرينيتش .
وبالفعل بعد المؤتمر بفترة قصيرة اصبح النظام معتمدا فى معظم المدن الامريكية
بالرغم من كده مكنش ملزم ان الناس تستعمله لحد مبقي الزامي سنه 1918.
وبكده نكون وصلنا لنهاية الحلقة
عرفنا “ليه اليوم 24 ساعة” ..
عشان لو حد سألك
تعرف ترد تقول اية .
سلام