ليه السماء لونها أزرق؟

ليه السماء لونها أزرق

كوكب الارض فيه مناظر طبيعية كتير  زي الجبال والبحار والغابات وكمان مناظر تانية كتير  اكيد كلنا اتفرجنا علي افلام وثائقية  وشوفنا المناظر الطبيعية فيها وقد ايه هي جميلة وخلابة وكمان بننبهر باللقطات المميزية ديه .

بس في حد خد باله في مره وهو بيتفرج علي الطبيعة او بيتامل في ملكوت ربنا او حتي سرحان في الموصلات بعد يوم طويل ان في مكون اساسي في كل لوحة بنشوفها و تقريبا بتبقي في كل حاجه بتشوفها عيونا.

المكون ده هو الي بيدي اللوحة الي بنشوفها جمالها ورونقها

المكون ده ببسطا  هو “السماء”.

السماء من اجمل لوحات الكون الطبيعية لو بنصينا بنظرة تامل للسماء .

هيجي في دماغنا سؤال مهم

 ليه السماء لونها أزرق؟

وليه اللون ده بتغير من ازرق ل برتقالي او احمر وكمان في اوقات بيقي نيلي.

اهلا بيكو

هنجاوبكو علي سؤال

“ليه السماء لونها أزرق”

علشان لو حد سألك.

تعرف تقول ايه.

لو سالت اي حد ليه السماء لونها ازرق فغالبا هتسمع الاجابات ديه

في حد ممكن يقولك بسبب وجود البحار والمحيطات  فمياه المحيطات والبحار بتعكس إشاعة الشمس للسماء وعلشان كده السماء بتتلون بلون الازرق.

ليه السماء لونها أزرق

في حد تاني ممكن يقولك بسبب قطرات الميه الي بتتكون في السماء من بخار الميه .

 فبتظهر السماء في النهايه بالون الازرق بسبب وجود الميه.

في الحقيقة الاجابتين غلط!

وده لعدة اسباب

في الحاله الاولة.

البحار والمحيطات هي المسببه للون

ده غلط لان في مناطق صحراء ومحدش شاف سماء لونها اصفر زي لون الصحراء او سماء لونها اخضر زي لون الغابات .

اما في الحالة التانيه وهي وجود قطرات من الميه في السماء.

والرد علي الاجابه ديه بيكون اولا الميه مش لونها ازرق اصلا الميه عديمة اللون فوجود الميه في السماء مش هيلونها ازرق.

تاني حاجه اكتر مكان بيتواجد فيه قطرات ميه في السماء هي السحاب والسحاب لونه ابيض مش ازرق.

طب دلوقتي ايه هي الاجابة بتاعت سوال “ليه السماء لونها ازرق”.

علشان نجاوب علي السؤال ده لازم نعرف شوية عن الضوء.

الضوء يعتبر هو مصدر كل الالوان الي بنشوفها والشمس تعتبر هي المصدر الاساسي للضوء.

الضوء الابيض هو في الحقيقه مش ابيض هو عبارة عن مجموعة مكونه من سبع اطياف السبع اطياف دول معروفين باسم الوان قوس قزح وهما الأحمر، البرتقالي، الأصفر، الأخضر، الأزرق، النيلي، البنفسجي

وكتجربة علشان نشوف اطياف الضوء الابيض.

  1. هنجيب منشور ثلاثي.
  2. ونسلط عليه ضوء ابيض.
وكتجربة علشان نشوف اطياف الضوء الابيض
وكتجربة علشان نشوف اطياف الضوء الابيض

هنلاحظ ان الضوء بيخرج من الزاوية التاني بانكسر ومشتت  بس في سبع اطياف متدرجين من اللون البنفسجي الي اللون الاحمر.

كل لون منهم ليه طول موجي الطيف البنفسجي هو اقصر طيف ليه طول موجي.

اما الاحمر هو اطول طيف ليه طول موجي.

الطول الموجي ليه تاثير كبير جدا في تفاعل الضوء مع الوسط المحيط بيه .

وكتجربة علشان نشوف اطياف الضوء الابيض

نرجع تاني لسؤال الحلقة ليه السماء لونها ازرق.

السبب ببساطة هو ان ضوء الشمس بيمر من خلال الغلاف الجوي فبيحصله ظاهرة طبيعية  اسمها تاثير رايلي.

تاثير رايلي؟

الظاهرة ديه بتقول ان لما الضوء يمشي في وسط شفاف حتي لو كان صلب او سائل اوغازي بيحصل عملية تشتيت للضوء

وكمان بسبب وجود غازي النيتروجين والاكسجين في الغلاف الجوي بكمية كبيرة الغازين دول بيتميزو عن باقي الغازت

 في ان الجزيئات بتاعتهم صغيرة فبيتفاعلو مع الضوء الي حصله عملية تشتت .

 بس مش كل اطياف الضوءبعض الاطياف ذات الطول الموجي القصير زي البنفسجي و النيلي والازرق

بسبب حجم جزيئات الغازات الصغيره فبيتفاعلو مع الالوان ذات الطول الموجي القصير .

واقصر طيف ليه طول موجي هو الازرق و البنفسجي والنيلي.

يعني علي سبيل المثال لو فرضنا  ان الطيف الاخضر هو اقصر في الطول الموجي السماء هتتلون بالون اخضر.

لو فرضنا ان تاثير رايلي ده صح  

هنلاقي نفسنا غلطنا في حاجه مهمة.

وهي ان اقصر طول موجي هو البنفسجي وبعديه النيلي وبعديه الازرق

المفروض السماء يبقي لونها بنفسجي.

بس ده مبيحصلش وده لسببين

السبب الاول

 هو العيون بتاعتنا احنا البشر مش بتقدر تشوف الوان الاطياف المشتته بطريقة مباشرة العين بتعتمد علي خلايا اسمها الخلايا المخروطية

الخلايا المخروطية

الخلايا المخروطية
الخلايا المخروطية

الخلايا المخروطية ديه بتبقي موجودة في شبكية العين وعددها بيوصل ل 4.5 مليون خلية مخروطية.

كل مجموعة من الخلايا المخروطية مسؤلة عن لون معين يعني عندها القدرة انها تميز لون واحد. 

زي مثلا خلايا مسؤولة عن اللون الاحمر  وخلايا مسؤولة عن الالون الازرق وبالمثل لباقي الالوان.

لما الضوء بينعكس من علي الاشياء و يوصل للعين  .

الخلايا المخروطيه بتبدا تستقبله وكل خلايا تتعرف علي اللون بتاعها وبعد كده بتبعت اشارات عن طريق العصب البصري.

  للقشرة البصرية في الدماغ وبنقدر نتعرف علي اللون.

العملية ديه بتحصل لكل حاجه تقريبا  علشان نتعرف علي اللون ونميزه بس برضو ليه اللون الازرق هو لون السماء.

العين البشريه حساسه للوان الازرق اكتر من الالوان التانيه وعلشان كدا الخلايا المخروطية علي الشبكية في العين

اكتر تحفيز علشان تستقبل الضوء الازرق عن باقي المخاريط

وعلشان كدا بنشوف السماء بالوان الازرق بالرغم من وجود كمية كبيرة من اللون البنفسجي وكمان النيلي و ده لان التحفيز للخلايا المخروطية الزرقاء بيقي اكبر من البنفسجي.

الاشارات الي بتوصل للمخ بتترجم اللي العين شيفاه بكتره

واللون الي العين شيفاها في الحالة ديه هو اللون الازرق علشان هي حساسة منه وكمان لما نشوف الوان قوس قزح بنلاحظ ان اللون البنفسجي مش ظاهر زي باقي الالوان.

ده كان السبب الاول .

السبب التاني للون السماء الازرق .

هو الاشعة الي الشمس بترسلها بيبقي فيها الطيف البنفسجي قليل بالنسبة للطيف الازرق والنيلي.

في النهاية

ليه السماء وقت الغروب بيقي لونها برتقالي محمر؟

السبب لكده راجع لان وقت الغروب والشروق الشمس بتبقي منخفضه في الافق في الاوقات ديه .

ونتيجه لكده ضوء الشمس بيمشي مسافه اكبر في الغلاف الجوي علشان يوصل لينا .

وبيحصل تشتت بشكل اكبر للضوء الازرق والنيلي و البنفسجي قبل مايوصلو لينا.

والنتيجه لتشتت معظم الاطياف بيوصلنا باقي الاطياف الاقل في التشتت زي طيف الاحمر  والبرتقالي.

ولما بيختلطو ببعض بيظهر اللون المميز لوقت الغروب.

وبكد نكون وصلنا لنهاية الحلقة وجاوبنا علي سؤال

” ليه السماء لونها أزرق “

علشان لو حد سالك
علشان لو حد سالك

علشان لو حد سألك

تعرف تقول ايه .

المصادر

britannica

mcgill

howstuffworks

السابق
ايه الخط الابيض الي بيبقي وراء الطياره؟
التالي
هل فعلا الصابون مضر للبشرة ؟

تعليقان

أضف تعليقا

  1. التنبيهات : هل فعلا الصابون مضر للبشرة ؟ | علشان لو حد سالك

  2. التنبيهات : تخيل عدم وجود صراصير ؟ | علشان لو حد سالك

اترك تعليقاً