ايه هي اكتر لغة إنتشار في العالم؟

ايه هي اكتر لغة إنتشار في العالم؟

ايه هي اكتر لغة إنتشار في العالم ؟ بعض العلماء بيقدرو عدد اللغات المنطوقة اكتر من 3000 لغةاكتر اللغات ديه بيتكلم بيها عدد صغير من الناس وتعتبر لغات محدوده اما عن اللغات الرئيسية هي لغات بيتكلم بيها اكتر من مليون شخص للغة الواحدة في حوالي 100 لغة او اكتر بشويه يعتبرو لغات رئيسية عدد البشر علي الارض حوالي 7.9 مليار نسمة

ايه الغة الي ليها النصيب الاسد في عدد الناس الي بتكلمو بيها و ده الي هنعرفه النهارده في مقال النهاردة

اهلا بيكو

هنجاوبكو النهارد علي سؤال “أيه هي اكتر لغة انتشار في العالم”

علشان لو حد سألك

تعرف تقول ايه.

علشان نحسب عدد الناس الي بتكلمو بلغة معينه هنشوف اكبر بلد من حيث عدد السكان واكيد هتبقي اللغة بتعتهم هي اكتر لغة الناس بتستعملها زي الصين مثلا  عدد سكنها مليار و450 مليون نسمة يبقي كده اكيد اللغة الصينيه تعتبر اكتر لغه انتشار وعلي الرغم من كدا هنلاقي ان اللغة الانجليزية منتشرة برضو في دول كتير يبقي اكيد هي اكتر لغة انتشار علشان نحسم الموضوع مابين ايه اكتر لغة الناس بتستعملها اكتشفنا ان ده صعب جدا وده بسبب بسيط ان في ناس بتتكلم لغة معينه كلغة ام و في نفس الوقت بيتكلمو لغة تانية بس اللغة ديه تعتبر لغة تانية عندهم زي مثلا اننا كعرب بنتكلم لغة عربية كلغة ام وفي نفس الوقت بنتكلم  اللغة الانجليزية كويس كلغة تانيه هو ده ببساطة الفرق بين المتحدثين بلغة معينه كلغة الام و متحدثين اللغة عموما. ايه هي اكتر لغة إنتشار في العالم؟

هنرتب اللغات دلوقتي علي اكتر لغة الناس بتتكلم بيها وتعتبر كلغة ام

1 – الماندرين

الماندرين هي لغة من اللغات الصينية بيستعمله حوالي 1.1 مليار شخص مش كل الصنيين بيستعملو اللغة ديه لان عدد سكان الصين حوالي 1.4 مليار الصين بتمتلك لغات تانيه كتير تعتبر لغة الماندرين اكتر لغة تستعمل كلغة ام في العالم اللغة ديه 1 من كل 6 اشخاص بيتعملها في العالم تقريبا وهي كمان لغة نغمات بتعتمد علي الاصوات.

2 – اللغة الاسبانية

ايه هي اكتر لغة إنتشار في العالم؟
علشان لو حد سألك

تاني اكتر لغة بتستعمل كلغة ام هي اللغة الاسبانية في حوالي 471 مليون شخص حولين العالم بيتكلم اسباني كلغة ام

علي الرغم من ان اسبانية في اوروبا إلي ان اغلب دول امريكا الجنوبيه بيتكلمو اسباني كلغة ام و بعض المناطق في الولايات المتحدة الامريكية و انتشرت اللغة ديه بسبب الاستعمار.

3 – اللغة الانجليزية

ايه هي اكتر لغة إنتشار في العالم؟
علشان لو حد سألك

تالت اكتر لغة تستعمل كلغة ام هي اللغة الانجليزية بيستعملها حوالي 370 مليون شخص اغلب الي بيستعملو اللغه الانجليزيه من امريكا وكندا وانجلترا واستراليا وبعض الدول الاخري تعتبر اكتر اللغات انتشار في العالم علشان مرتبطه بكل شي تقريبا من اعمال وسفر والقوة الناعمه لامريكا.

4 – اللغة الهنديه

تعتبر رابع اكبر لغة تستعمل كلغة ام عدد الناس الي بيستعملوها حوالي 342 مليون شخص الهند عندها حوالي 23 لغة رسميةبتستعمل اللغة الهنديه في شمال الهند و بعض الاماكن في باكستان.

5 – اللغة العربيه

ايه هي اكتر لغة إنتشار في العالم؟
علشان لو حد سألك

خامس اكتر لغة تستعمل كلغة ام هي اللغة العربيه في حوالي 315 مليون شخص بيساعملو اللغة العربية كلغة ام بتتنوع اللهجات في اللغة العربيه زي اللغة الصينية اغلب المتحدثين باللغة العربية بيعيشو في الوطن العربي علي الرغم من كل اللهجات الي ان كل الي بيتكلمو عربي بيفهمو اللغة العربية الفصحي لانها لغة القران الكريم .

6 – اللغة البرتغالية

سادس اكتر لغة البشر بستعملوها كلغة ام  هي اللغة البرتغالية حوالي 232 مليون شخص بيتكلمو اللغة ديه برضو زي اللغة الاسبانية انتشرت برضو بالاستعمار في بداية القرن الخامس عشر نقل التجار والجنود البرتغال لغتهم الي افريقيا و اسيا و امريكا الجنوبية بلد زي البرازيل وانغولاو غينيا وغيرهم بيستعملو اللغة البرتغالية.

7 – اللغة البنغالية

ايه هي اكتر لغة إنتشار في العالم؟
علشان لو حد سألك

سابع اكتر لغة تستعمل كلغة ام هي اللغة البنغالية حوالي 229 مليون شخص يتكلم اللغة البنغالية في سنه 1947 الانجليز قسمو البنغال الي بنغال غربيه وديه تابعة دلوقتي للهند واغلبهم بيتبعوا الهندوسية اما البنغال الشرقيه الي بقي اسمها بنجلادش حاليا وديه اغلبها مسلمين.

8- اللغة الروسيه

ايه هي اكتر لغة إنتشار في العالم؟
علشان لو حد سألك

تعتبر تامن اكتر لغة تستعمل كلغة ام في حوالي 154 مليون شخص بيستعملو اللغة الروسيه كلغة ام تعتبر اللغة الروسية واحده من ست لغات بتستخدم في الامم المتحدة.

9 – اللغة اليابانية

ايه هي اكتر لغة إنتشار في العالم؟
علشان لو حد سألك

تاسع اكتر لغة تستعمل كله ام هي اللغة اليابانية حوالي 126 مليون شخص بيستعملو اللغة اليابانيه كلغة ام هي من اكتر اللغات ذات التركيز الجغرافي لان اغلب الي بيتكلمو ياباني عيشين في اليابان. واكتر اماكن ممكن نلاقي الي بيتكلمو ياباني خارج اليابان ف امريكا و البرازيل والفلبين.

10 – لاهندا او “لاندا

ايه هي اكتر لغة إنتشار في العالم؟
علشان لو حد سألك

عاشر اكتر لغة في ناس بتستعملها كلغة ام حوالي 118 مليون شخص بيستعملو في مكان اسمه البنجاب الاستعمار الانجليزي قسم البنجاب ل شرقية تابعة لباكستان و غربية تابعة ل الهند في منطقة اسمها البنجاب الناس هناك بيستعملو لغة “لاندا”.

اخيرا القايمة ديه هي قايمة اكتر لغة معينه تستعمل كلغة ام هنرتب دلوقتي اللغات من حيث اكتر لغة تستعمل كلغة اولة او ثانية.

اكتر لغات تستعمل كلغة اوله او تانيه

1 – اللغة الانجليزيه

اكتر لغة انتشار هي اللغة الانجليزيه بيتكلم بيها 1.4 مليار شخص ممكن تكون انته واحد من الي بيتكلو انجليزي.

2 – لغة الماندرين

تاني اكتر لغة انتشار هي لغة الماندرين “الصينيةمليار و 120 مليون شخص بيتكلمو بيها.

3 – اللغة الهندية

اما عن تالت لغة هي اللغة الهندية حوالي 600 مليون شخص بتكلم بيها.

4 – اللغة الاسبانية

هي اللغة الرابعة من حيث عدد المتحدثين بها حوالي543 مليون شخص وبيرجع كده زي مذكرنا سابقا لاستعمار الي حصل للعالم الجديد.

5 – اللغة العربيه

جت في المرتبة الخامسة من حيث عدد الناطقيين بها بعدد حوالي 274 مليون شخص .

6 – اللغة البنغالية

اما عن المرتبة السادسه جت اللغة البنغالية بحوالي 268 مليون شخص بيتكلمو  بنغالي.

7 – اللغة الفرنسية

هي سابع لغة بيتكلم بيه حوالي267 مليون شخص وده برضو بسبب الاستعمار في افريقيا و العالم الجديد.

8 – اللغة الروسية

اما عن تامن لغة انتشار هي اللغة الروسية حوالي 258 مليون شخص حول العالم بيتكلمو اللغة الروسية .

9 – اللغة البرتغالية

تاسع لغة انتشار هي اللغة البرتغالية في حوالي 258 مليون مستخدم للغة .

10 – اللغة الأردية

عاشر لغة انتشار في العالم هي اللغة الأردية حوالي 230 مليون شخص بيستعملو اللغة ديه بتستعمل في ايران وباكستان و الهند .

في نهاية التصنيف

الي ذكرنها هنلاحظ ان علشان نحسب ايه اكتر عشر لغات تستعمل ما اذا كانت لغة ام او لغة تانية هنلاحظ ان في 8 لغات موجودين  في قايمة اكتر لغة تستعمل كلغة ام وقايمة اكتر لغة بيتكلم بها الناس اللغة الانجليزيه تفوقت علي اللغة الصينيه بفرق بسيط في اكتر لغة بتكلم بيها الناس وده لاسباب كتير زي مثلا ان اغلب الدول بتعتبر اللغة الانجليزية لغة تانيه بعد اللغة الام للبلد وانضمت اللغة الفرنسية واللغة الاردية في القائمة  مكان اللغة اليابانة والبنجابية.

و بكد نكون وصلنا لنهاية الحلقة وجاوبنا علي سؤال

” ايه اكتر لغة انتشار في العالم”

علشان لو حد سألك

تعرف تقول ايه .

المصادر

babbel

السابق
ليه بنستخدم اللون الاحمر في اشارات التحذير والخطر؟
التالي
في اليابان الأشياء المكسورة ليست شيئًا نخفيه

3 تعليقات

أضف تعليقا

  1. غير معروف قال:

    ✨💫💜

  2. التنبيهات : شويه معلومات ممكن تبقي غريبة بس هي حقيقية هتتصدم لما تعرفها | علشان لو حد سالك

  3. التنبيهات : جيمي ويلز مؤسس ويكيبيديا | علشان لو حد سالك

اترك تعليقاً