عمرك في مرة سرحت في السماء وشوفت خط ابيض خارج من طياره بعيده.
كلنا بنشوف الطائرات وبننبهر بحجمها وسرعتها وقدرتها علي الطيران .
بالرغم من حجمها الكبير جدا و عدد الركاب الي علي متنها و ازاي بتقدر تطير ومع كل الاسئلة ديه بننسي السوال المهم ايه هو الخط الابيض الي بيبقي وراء الطياره اغلب الناس بيفتكرو ان الخط الابيض مجرد دخان خارج من الطياره.
بس الحقيقه غير كده خالص.
اهلا بيكو
هنجاوبكو النهارده علي سؤال ” ايه الخط الابيض الي بيقي وراء الطياره “
كلنا بنشوف الطيارات في السماء واتعلقنا بيها واحنا صغار وشوفنا الدخان الي بيطلع من وراء الطياره
هل فعلا الخط ده عباره عن دخان؟
الحقيقه ده مش دخان ده بلورات من بخار الميه المتلجه.
ايوه تلج زي ما قولت بس مش كله بيبقي بلورات من بخار ميه
يعني في العروض العسكريه بتبقي مقصود انهم يعملو الدخان ده علشان يرسمو اشكال في السماء ضمن الاحتفالات.
ولكن الخطوط الي بتظهر من محركات الطائرات النفاثه بتبقي من غير قصد او اي تدخل خارجه عن ارادة الطاقم.
وهي في الاساس ظاهرة طبيعية بتحصل نتيجه لتغير درجه الحرارة وارتفاع الطائرة.
تعالو نوضح ده
درجة الحرارة علي الارض مختلفه عن درجه الحراره في السماء
لان كل مترتفع 100 متر عن سطح البحر بتقل درجة الحرارة 0.6 درجه مئوية.
وبنلاحظ ده عند قمم الجبال بنلاقي ان القمة عليها تلج اكتر من باقي الجبل .
نرجع تاني لاسباب تكون الخطوط البيضاء
كل طيارة بيقي ليها مسار متحدد ليه من ساعة ما تتطير من المطار تفضل ترتفع لاعلي لحد متوصل للمسار المحدد ليه علي ارتفاع مناسب الي بيحصل انا الجو الي حولين الطياره بيقي بارد جدا في اغلب الاوقات علي الارتفاعت العالية مع الانباعاثات الي بتخرج من الطياره من احتراق الوقود الي بتبقي متكونه من ثاني اكسيد الكربون و بخار ميه لما بيخرج بخار الميه ده بدرجه حراره عالية بعد الاحتراق داخل المحرك وتعرضه لدرجة حراره منخفضه وضغط مرتفع بيحصل عملية تكاثف للبخار علشان يتشكل علي هيئة نقاط من الندي و مع انخفاض درجه الحرارة قطرات الندي بتتحول لبلورات من التلج في لحظات قليه بسبب درجة الحرارة المنخفضة بتتشكل الخطوط ديه علي ارتفاع اكتر من 8000 متر في درجة حراره بتوصل ل -40 درجه مئوية والظاهره ديه مش غريبه علينا احنا كبشر الجهاز التنفسي عندنا شبيه بالمحرك ونفس الخط الابيض بيحصل معنا علي شكل سحابة .
تعالو نوضح ده.
في اوقات لما الجو بيقي البارد في فصل الشتاء .
بتحصل عملية التنفس بيدخل الجسم هواء بارد ومع درجه الحرارة الجسم الي بتوصل ل 37 درجة مئوية الهواء داخل الجسم بتكثف ولما بيخرج الهواء في عملية الزفير بتظهر السحابة البيضاء وبتكون عباره عن بخار مية متكثف بس فالحالة ديه مبيتحولش لبلورات من التلج علشان درجه الحراره مبتبقاش منخفضه لدرجه تجمده.
عملية التكاثف الي بتحصل من العوادم الي بتخرج من الطائره مش هي السبب الرئيسي في الخط الابيض
في سبب تاني تعالو نتعرف عليه.
بيحصل تكاثف برضو بس المره ديه مش من عند المحرك بيحصل عن الجناح بفعل الضغط.
بس بتبقي في الطائرات الي نهاية الجناح فيها بيقي المثني مش مستقيم
لما الطيارات من النوعيه ديه بتقلع عن الارض وعند الهبوط بتحصل الظهرة ديه لما بتحاول الطياره تطير بيولد الجناح قوة دفع بتتسبب في تكوين دومات بتقلل الضغط بشكل مفاجئ في اخر الجناح او في اطراف مراوح الطائره ومع زيادة الحراره و الرطوبه بيحصل عملية تكثيف وبتحصل الظاهرة ديه في الايام الي فيها رطوبه عالية
وفي النهايه
الخطوط الناتجه من المحرك الطائره لازم تكون الطياره طايره علي مسافه عالية اما عند الاجنحة فبيحصل ده عند الاقلاع او الهبوط لان الطياره في الحالة ده بتكون بطير بشكل بطي فتكون الرطوبه عالية حوليها فبتحصل الظاهره ده .
الخطوط ديه اسمها مسارات التكاثف
ممكن تفضل مسارت التكاثف لساعات بعد مرور الطائرة
وبكده نكون عرفنا
” ايه الخط الابيض الي بيقي وراء الطياره “
تعرف تقول ايه.
المصادر