انته نظرك كام ؟ يعني ايه 6/6
لو الاجابة 6/6 يبقي انته اكيد نظرك كويس جدا بس الكلام ده مش شرط يبقي صح.
لان المقياس ده عباره عن مقياس حدة النظر.
و حدة النظر ديه يعني الوضوح لو قدامك حاجه علي مسافة تقدر تشوفها كويس ولا لا
المقياس حدة النظر ده بيتكون من رقمين الاول هو المسافة الي المفورض تبقي فيها علشان تشوف نفس الي هيشوفه شخص سليم علي مسافة الرقم التاني
بمعني 6/6 هو انك تقدر تشوف علي مسافة 6 متر الي الشخص السليم يقدر يشوفه علي مسافة 6 متر برضو.
او بمعني بسيط انك تقدر تشوف كويس الي المفروض يتشاف
علي بعد 6 متر زي اي شخص معندوش مشاكل في النظر .
طب لو كان نظرك 6 علي 36 معني كده انك تبقي علي بعد 6 متر من الحاجه الي عاوز تشوفها علشان تشوف الي بيشوفه الشخص السليم علي بعد 36 متر.