محطة الفضاء الدولية المشروع المعجزة بكل المقاييس المشروع المعجزة محطة الفضاء الدولية.
تعتبر واحده من اعظم المشاريع الي اتصنعت علي ايد البشريه خلال تاريخها بسرعة بتوصل ل 28000 كيلو متر في الساعة.
بسبب سرعته الكبيرة تقدر تلف كوكب الارض مره كل 90 دقيقة وعلي ارتفاع بيوصل ل 400 كيلو متر من سطح الارض.
ويعتبر اغلي بناء انشئه البشر اتكلفت حوالي 150 مليار دولار امريكي الجسم ده يعتبر معجزة من ناحية التعاون بين الدول لانه عبارة عن مشروع متعدد الجنسيات مش مملوك لاي دولة هو تعاون بين دول الشرق بدول الغرب المشروع المعجزة محطة الفضاء الدولية.
اهلا بيكو
هنتكلم النهارده علي ” المشروع المعجزة”
تعرف ترد تقول ايه
من غير هواء ولا ميه ولا اكل وعلي ارتفاع 400 كيلو متر عن الارض موجود اغلي بناء صممه البشر خلال تاريخه.
المشروع ده هو محطة الفضاء الدولية “المشروع المعجزة محطة الفضاء الدولية“
اولا يعني ايه محطة فضاء؟
محطة الفضاء الدولية هي عباره عن مركبة فضائية او قمر صناعي بس كبير شويه بيدور في مدار حولين كوكب الارض كمان يعتبر مختبر علمي في الفضاء بنستخدمه لعمل تجارب علمية و دراسة سبل الحياه في الفضاء.
ثانيا كم تبلغ كتلة محطة الفضاء الدولية
حوالي 460 طن ده مقدار الكتله بتاعت المحطة طولها 73 متر و عرضها 109 متر و ارتفاعها 20 متر تقدر تشيل لحد 6 افراد.
بتتكون من اماكن للنوم و اماكن لممارسة الرياضة و كمان وحدات لعمل التجارب العلمية لكل الدول المشاركة.
بسبب الحجم الضخم وانهم مستحيل يطلعوها بالتكنولجيا الموجودة في الفتره دي.
و كمان كل دوله بتساهم بجزء بتاعها فكانت النتيجة انها طلعت علي شكل وحدات واتجمعت في الفضاء حوالي اربعين مهمة لارسال الوحدات الي الفضاء و كانت التكلفة لارسال كيلو جرام واحد من الارض الي الفضاء حوالي 20 الف دولار امريكي.
ثالثا كم عمر محطة الفضاء الدولية.
في 20 نوفمبر 1998 اطلقت اول وحدة من محطة الفضاء الدولية كانت اول وحدة هي وحدة روسيه اسمها “زاريا” ومعناها شروق الشمس.
وبعدها بحوالي اسبوعين حصل التقاء بين الوحدة الروسيه و الوحدة الامريكية الي كان اسمها “unity” . يونتي ويعتبر التعاون الي حصل بين اكبر قوتين علي الارض حدث ضخم بعد سباق الفضاء الي كان موجود من فترة الحرب الباردة بين امريكا والاتحاد السوفيتي خلاص الوحديتين في الفضاء وخلاص هيحصل الاتحام بين الوحدتين بس حصل حاجه غريبة جدا قبل عملية الالتحام بوابة الوحدة الروسيا مدورة اما الوحدة الامريكية بوابتها مربعة.
السبب للمشكلة ديه ان الوحدتين مكنوش مصممين خصيصا لمحطة الفضاء.
فكان الحل انهم يعملو وصلة تربط البوابة المدورة بالبوابة المربعة بعد ما حصل الالتحام اتولدت محطة الفضاء الدولية وبعد سنتين كانت المحطة جاهزة وفعلا استقبلت يوم 2 نوفمبر سنة 2000 اول طاقم من رواد الفضاء وفضلت عملية تجميع المحطة من خلال ناسا وشركائها في المحطة لحد سنه 2011 كانت انتهت بالكامل في نوفمبر 2022 هيكون عمر المحطة 22 سنه.
رابعاً ازاي رواد الفضاء عايشين في المحطة وازاي بتشتغل المحطة؟
محطة الفضاء جعلت البشر ليهم تواجد مستمر في الفضاء الانسان الطبيعي بيقدر يعيش من غير اكل لمدة 3 اسابيع و من غير مياه ل 3 ايام و غير هواء 3 دقائق.
طب ازاي البشر عايشين في المحطة و اهم حاجه ازاي بيتنفسوا.
علشان يبعتو حاجه من الارض الي محطة الرحلة بتبقي مدتها حوالي 6 ساعات بتكون تكلفة اطلاق صاروخ الي الفضاء بتوصل ل 200 مليون دولار تقريبا.
فعلشان يقللو التكلفة لازم المحطة توفر احتياجات الروادكمان علشان تواجه اي ازمة لان الرحلات الارضية للمحطة مكلفة فيها نسبة مخاطرة.
في الارض الاكسجين موجود عادي وطبيعي اما في الفضاء مش موجود و لازم توفير الاكسجين للرواد بشكل مستمر.
كل رائد بيستهلك كيلو جرام من الاكسجين بشكل مستمر يومياً الاكسجين ممكن يتبعت من الارض للمحطة وبيتحفظ في خزانات بس حاليا ممكن ننتج اوكسجين في المحطة الفضاء الدولية علشان ينتجو الاكسجين في المحطة بيحتاجو ميه و بالتحليل الكهربي بيحصل عملية تفكيك لذرات الميه وبيتنج هيدروجين و اكسجين بيخرجو الهيدروجين الي الفضاء بيتسعملو الاكسجين وبالعملية ديه يقدرو يولدو حوالي 9.5 كيلو جرام من الاكسجين كل يوم وطبعا في متطلبات كتير بس كان اهمها الاكسجين في ابريل 2021 كان عدد الزوار الي وصلو محطة الفضاء الدولية 244 شخص من 19 دولة .
خامسا رواد الفضاء بيشوفو ايه من المحطة؟
بسبب سرعتها العالية الي بتوصل ل 8 كيلو متر في الثانية يعني حوالي 28 الف كيلو متر في الساعة.
تقدر تلف كوكب الارض مره كل 90 دقيقة يعني حوالي 16 مره في اليوم في حين ان الارض بتلف حولين نفسها لفة كل 24 ساعة.
يعني لو رائد الفضاء بص من الشباك شاف انو فوق امريكا بعد عشر دقايق لو بص تاني هيلاقي نفسه في اوروبا رواد الفضاء في المحطة بيقدرو يشوفو شروق الشمس 16 مره في اليوم علشان تتخيل السرعة دي محطة الفضاء تقدر بسرعتها دي و تعمل رحلة ذهاب و عوده في نفس اليوم الي القمر وبسبب قرب محطة الفضاء الدولية من الارض وحجمها الكبير ممكن نشوفها من علي الارض بحسابات بسيطة ممكن شخص عادي يشوفها من علي الارتفاع ده هتشوفها كضوء بيخترق ظلام الليل في السماء بيكون ضوء سريع و ساطع .
اقرء ايضاً : هيحصل ايه لو الارض توقفت عن الدوران
سادساً نهاية محطة الفضاء الدولية؟
في سنه 2030 و بعد خدمة اكتر من 30 سنه في خدمة البشرية.
حوالي 150 مليار دولار اتصرفو لبناء المحطة هتخرج عن الخدمة ناسا حددت منطقة السقوط وهتكون نقطة في المحيط الهادي.
نقطة بعيده جدا عن البشر نقطة مفهاش حياه تقريبا النقطة ديه اسمها “نقطة نيمو” او “مقبرة المركبات الفضائية”.
اتسمت مقبرة للمركبات الفضائية لان سقط فيها اكتر من 250 مركبة فضائية.
اخير وصلنا لنهاية الحلقة واتكلمنا عن مشروع ضخم واعظم بناء شيده البشر في الفضاء
المشروع المعجزة
تعرف ترد تقول ايه
التنبيهات : شويه معلومات عن مخ الانسان ممكن تبقي غريبة | علشان لو حد سالك
التنبيهات : مقبرة الفضائيين النقطة نيمو | علشان لو حد سالك