إزاي الدواء بيعرف مكان الوجع

السلام عليكم ورحمة الله وبركاته

كلنا بنحس بالالم زي الصداع او وجع الاسنان او وجع البطن .

في الالام كتير بنحس بيها بس الالام ديه مش حاجه كويسه.

لانها بتعطل حاجات كتير اوي في حياتنا .

وبتخلني نفكر ازاي نتخلص من الوجع ده  .

بدا الطب في الفتره الاخيره انو يتطور لحد موصل للشكل الحديث في بداية القرن العشرين.

 لانه في الفتره ديه حصل تطور في علاج الامراض واكتشاف ادوية جديده وكمان قدرنا نقضي علي أوبئة كتير.

 الي مكنش ليها علاج في الماضي.

وظهر في المرحة ديه المضدات الحيوية والبنسلين وكانت نقلة في تاريخ الطب

 وعلشان كده اتسمت الفترة ديه  بالطب الحديث.

بالرغم من كل النجاحات الطبية الي وصلنلها ديه كلها

اغلب الناس مش عارفه ازاي المسكنات بتسكن الالم .

و ازاي الكبسولة الملونه ديه بتعرف مكان الوجع وبتسكنه

اهلا بيكو

هنجاوبكو علي سؤال

أزاي الدواء بيعرف مكان الوجع

علشان لو حد سألك

تعرف تقول ايه

في انواع كتير من الادويه الي بنسخدمها.

 ولكل دواء ليه طريقة للاستعمال علشان نقدر نوصله جوه اجسمنا.

اقرا يضاً : أيه هو اذكي حيوان

فمثلا اشهر انواع تلقي العلاج اما الحقن الوريدي او العضلي او من خلال الفم.

الفرق بين اشهر التلات انواع .

اولا  الحقن العضلي.

 بيتم من خلال الحقن داخل العضله و بعد كدا العضلة بتوصل العلاج للدم.

ثانيا الحقن الوريدي.

 فده ببساطه الحقن في الوريد الي بحتوي علي الدم فبيكون مفعوله اسرع من العضلي.

 وبيستخدمو الحقن الوريدي في الحالات الحرجه الي بتبقي محتاجه نتيجه سريعه زي الازمات القلبية و الجلطات.

طب ليه بنستخدم الحقن العضلي في اوقات عن الوريدي.

 بيبقي الدكتور الي محدد كده لان في بعض الادويه بتحتوي الماده الفعالة علي مواد بتسبب تهييج للاوردة.

 وفي الاوقات ديه بيفضل الحقن العضلي.

اما النوع التالت

هو عن طريق الفم من خلال كابسولة او شراب

فالنوع ده من العلاج بيقي تاثيره اقل من الحقن لان بيمر عن طريق الجهاز الهضمي.

بعد ابتلاع العلاج بينزل للمعده وبعد كده للامعاء الدقيقه ثم الي الكبد و جوه الكبد بيبدا عملية التكسير.

 علشان تطلع الماده الفعاله وتنطلق في الدم

 و طبعا بعد لفه الدواء في الجهاز الهضمي

 مبيوصلش للدم كل المادة الفعالة علشان مرت داخل المعدة واتاثرت بالانزيمات والاحماض الي بتفرزها المعدة وكمان عمليات التكسير داخل الكبد.

بيدا مفعول العلاج يشتغل من خلال الحقن  من 10 ل 15 دقيقه اما عن الجهاز الهضمي فبيبدا من 20 ل 30 دقيقه.

اتكلمنا كده ازاي الماده الفعالة في العلاج بتوصل للدم

طب ازاي بقي بتعرف الماده ديه مكان الوجع في الجسم .

ايوه جسمنا عنده القدرة انو يوجه الماده الفعالة لمنطقة الالم.

ازاي بيتم ده.

تعالوا نوضح.

 لما خلية بتتصاب باي ضرر بتبدا تفرز مادة كميائية اسمها “البروستكلندن”

الي بتاثر علي النهايات العصبيه في جسم الانسان الي بتبقي حساسه للماده ديه.

بعد افراز الماده بتبدا النهايات العصبيه انها تشعر بالماده وبعد كدا بتنقل اشارة عبر الجهاز العصبي الي المخ الي من خلالها بيعرف مكان و مقدار الالم .

نرجع تاني ازاي المادة الفعالة بتوصل لمكان الالم

 الدم المحمل بالمادة الفعالة للدواء الي لسه خارج من الكبد.

بيبدا ينتشر الدم المحمل بالمادة الفعالة لكل الجسم لما يوصل لمنطقة الالم الي عندها مادة “البروستكلندن” بتبدا المادة الفعالة التفاعل معها كميائيا الي بيمنع الخلية من افراز الماده ديه وبعدها بيهداء الالم او بيتوقف.

بالرغم من ان الادويه بتتنقل بواسطة الدم لكل انحاء الجسم.

 الا ان الدواء بيبقي غير فعال لحد ميلاقي المستقبلات بتاعته.

 المستقبلات ديه بتبقي عباره جزيئات بروتينية بتنشاء في اغلب الاوقات من الالتهابات او الالم .

 الماده الفعالة الي موجوده في علاج  زي  “الايبوبروفين”   مثلا بتبقي مصممه علشان تنجذب للمستقبلات  ديه وبعدها بتحصل التفاعلات الي بتخلي العلاج يشتغل ويقوم دوره.

ببساطه الدواء زي المفتاح بيدور جوه  جسم الانسان علي القفل الي يقدر يفتحه.

في النهايه في بعض الادوية ليها اثار جانبية .

ايه هي اسباب الاثار الجانبية للادوية.

بيحصل دة بسبب ان جزيئات العلاج بترتبط بجزيئات تانيه غير المستقبلات بتاعتها.

فبتحصل الاثار الجانبية زي العلاج الكميائي للامراض السرطانية.

جزيئات العلاج بتدور علي الجزيئات سريعة النمو و لانقسام علشان تعالج المرض .

بس الي بيحصل ان جزء من العلاج بينجذب لخلايا الشعر.

 علشان هي سريعة في النمو.

 وبسبب كده نلاقي ان الناس الي بتتعالج من السرطان بيفقدو شعرهم.

 وده بيكون اثر جانبي لان العلاج معندوش القدرة انو يحدد الخلايا السرطانيه من خلايا الشعر.

 والسبب ان الاتنين بينمو بسرعه اسرع من باقي خلايا الجسم .

وبكده نكون عرفنا اجابة السوال “ازاي الدواء بيعرف مكان الوجع”

علشان لو حد سالك .

تعرف تقول ايه.

المصادر

wonderopolis

theconversation

السابق
ليه البيوت في السويد لونها احمر ؟
التالي
بوابة الجحيم علي الارض

تعليق واحد

أضف تعليقا

  1. غير معروف قال:

    سبحان الله علم الانسان ما لم يعلم

اترك تعليقاً