إدمان السكر الجملة تحسها واخدة أكبر من حجمها.
السكر الى بنستخدمة فى كل حاجة حرفيا بقي إدمان طب عشان تحكم على حاجة انها ادمان ولا لأ لازم تعرف جسمك بيتعامل معاها ازاى ؟؟
ولو بطلتها !!
اية الى هيحصل فى جسمك؟؟
اهلا بيكو
هنتكلم النهارده عن “هيحصل ايه لو بطلت سكر؟؟“
علشان لو حد سالك
تعرف ترد تقول ايه
ايوه السكر الي بنضيفه للشاي و القهوة
استعماله بقا ادمان
جرب كده تشرب قهوة من غير سكر
او حتى تقلل السكر فيها.
هتكون تجربه مش حلوه خالص.
الكلام ده للناس الي بتحط سكر كتير
لو انت بتشرب ساده عاش استمر ياوحش .
لان السكر ليه اضرار كتير.
تعالو بقي عند موضوع الحلقة النهارده .
هيحصل ايه لو بطلت سكر .
ايه هي انواع السكر.؟
السكر ليه نوعين
الاول هو السكر “المصنع” ( ياعبدالله المصنع بضم الميم مواد مصنعه فاهم )
وهو الي بنضيفه علي الحلويات و المشروبات وكمان بيبقي موجود بكميات كبيرة في المشروبات الغازية.
اما النوع التاني هو السكر الطبيعي
الي بيبقي موجود في الفاكهة و بعض انواع الخضار ويكون بنسبة قليلة متضرش الجسم.
وطبعا النوع الثاني هو الصحي الي هو السكر الطبيعي
شعور السعادة
شعور السعاده الي بتحس بيه وانت بتشرب المشروب بتاعك الي مليان سكر.
الشعور ده بيجي من اول لحظه
لما السكر يلمس لسانك.
في اللحظة دي بيبدا اللسان يحفز المستقبلات الى موجودة فية.
والى بدورها بتبعت اشارات للمخ عشان يفرز المايسترو .
اكيد عرفت مين المايسترو.
الدوبامين .
الدوبامين هو الحاجة الى جسمك بيفرزها عشان يكافئ نفسة .
فأنت لو بتعمل اى حاجة حرفياً وسببتلك سعادة .
فده بسبب ان الدوبامين اتفرز .
لعبت رياضة .
كلمت حد بتحبة .
كلت اكلة حلوة .
في حالتنا اكلت او شربت سكر
كل ده هيفرز دوبامين .
وطبعا كل حاجة من دول بتسبب إفراز الدوبامين بنسب مختلفة .
نيجى للسكر بقى .
السكر بيسبب افراز للدوبامين بنسبه اعلى من الى بيسببها الكوكايين..!!!
ايوة أعلى من الكوكايين.
انته متخيل السكر بيعمل ايه .
ينفع ابطل سكر
تخيل بقي التاثير ده كله بيحصل لما السكر بيدخل جسمك
فلو بطلت سكر مرة واحدة .
ايه الي هيحصل.؟؟
الدوبامين مش هيتفرز بالنسب العالية زى قبل كده .
و زى أعراض الانسحاب بتاعت اى إدمان.
هتلاقى دوخة
عدم تركيز
عصبية.
قلق وتوتر
ضعف فى حركتك وعضلاتك تحس انك علطول تعبان .
جسمك بيتعب من أقل مجهود .
ده الي بيحصل لو صحيت من النوم قولت مش هشرب حاجه فيها سكر.
طب الحل
لو بقي عاوز تمنع سكر بس مش عاوز يحصلك اعراض انسحاب
الحل انك تقلل استخدام السكر
و تستبدل السكر المُصنع بالطبيعي الي بيبقي في الفاكهة
جسمك تدريجياً هيتعود علي قلة السكر .
و هيتعافي تدريجاً ويقل الاعتماد علي السكر
بل بالعكس انت هتحس بنشاط وطاقة .
لان السكر اه بيديك طاقة
بس الضرر بتاعة اعلى بكتير من فايدتة .
طب هو اصلا السكر مفيد للجسم ولا مضر؟؟
ولو مفيد بيفيد الجسم ب ايه و لو مضر بيضر بجسم ب ايه
بس الكلام هيطول هنا .
نخليها لفيديو تانى متنساش تشترك في القناه و تفعل زر الجرس .
وبكده نكون عرفنا “هيحصل ايه لو بطلت سكر”
علشان لو حد سالك
تعرف ترد تقول ايه
سلام..