أيه هو اذكي حيوان؟

أيه هو اذكي حيوان
بسم الله الرحمن الرحيمِ

السلام عليكم ورحمة الله وبركاته

بالمعني الحرفي للكلمة البشر هما اذكي الكائنات الحيه علي الارض طب أيه هو اذكي حيوان؟

الكلام ده نبقوله علي حسب المعايير الي البشر حطوها في مؤشرات الذكاء.

زي ان البشر بيقدرو يبنو مجتمعات عظيمة تقدر تحقق تطور علمي كبير في كافة المجالات الصناعية والفضائية والبيلوجيه.

فمثلا قدرو يوصلو شخص للقمر .

بس الكلام ده علي البشر كلنا عندنا نفس الصفات تقريبا والمزيا الجسمانية.

موضوع تصنيف الحيوانات مين اذكي كان صعب جدا وممكن نقول مستحيل .

في ملايين من الكائنات الحية موجودة علي وجه الارض هنصنفهم ازاي …

والسؤال الاهم هنصنفهم علي انهي اساس ..

اهلا بيكو

هنجاوبكو علي سؤال ” ايه هو اذكي حيوان “

علشان لو حد سالك

تعرف تقول ايه.

في مؤشرات كتير ممكن نحطها كاساس علشان نحدد ايه هو اذكي كائن حي.

مثلا القدرة انو يتعلم حاجات جديده في وقت قليل او القدرة على حل الالغاز.

او انو يقدر يستخدم اداه معينه علشان تساعده او عنده وعي ذاتي

فمثلا الاخطبوط ممكن يبان انو معندوش ذكاء بس الدرسات اثبتت ان الاخطبواط عندها فضول كبير

 وقدره علي حل المشكلات

في تجربه اتعملت كشفت ان الاخطبوط اتعلم ازاي يقدر يفتح وعاء فيه اكل علشان يوصل للاكل.

و في مره تانيه الاخطبوط قدر يتعرف علي الاشخاص البشريين

ان يستجيب لشخص عاملة بشكل كويس و انو بيعد ويتجاهل شخص عاملة بشكل مش كويس وديه قدرة التعرف علي الاشخاص مش موجوده في اغلب الكائنات

الحمام برضو عنده قدرة التعرف علي الاشخاص

بعض الناس الي بيصدقو نظرية التطور بتقول ان الشمبانزي قريب من البشر جينايا وانه اذكي كائن بعد البشر.

في تجارب حصلت سنة 2007 علي الشمبانزي

جابو شمبانزي بالغ و شمبانزي مراهق وبعض طلاب الجامعة.

في 9 ارقام مترتبيه بشكل معين علي شاشة لمس كل مجموعة هتشوف الترتيب لثانية .

الاختبار ببساطة هو انهم بيفتكروا ترتيب الارقام ديه ايه

حصل الشمبانزي البالغ والطلاب علي نفس النتيجة في تذكر الاماكن

بس الشمبانزي المراهق  جاب درجة عالية  وكمان افتكر الاماكن بدقة اكبر .

الماعز عنده نفس القدرة زي الاخطبوط بس لو كان الاكل هو الي هيبقي مكافائة.

في تجربة اتعملت المفروض ان الماعز تشد  حبل بالفم علشان يرفع رافعة ويوصل لمكان الاكل

9 من اصل 12 معزة عملت كده بعد حوالي 4 محاولات والغريب ان اغلبهم فضل فاكر العملية ديه حتي بعد ماعدا عليها 10 اشهر.

في حيونات كتير بتقدر تستخدم اداة علشان توصل للهدف.

علشلان لو حد سالك
علشلان لو حد سالك

زي الشامبنزي في اغلب الاوقات بتستخدم عصي علشان تقدر توصل للنمل ويرقات النمل.

بس الغريب ان الغربان قدرت تتفوق علي البشر في حل المشكلة.

في تجربة اتعملت ما بين غراب واطفال اقل من 8 سنوات علشان يحلو مشكلة حطو مكافئة تطفو علي المية بداخل زجاجة المفروض يخرجو المكافئة ده من الزجاجة .

علي الرغم من ان فتحة الزجاجة ضيقه علشان الغراب ميقدرش يدخل منقاره علشان يجيب المكافئة.

الي حصل ان الاطفال تحت عمر 8 سنوات وجدو صعوبه في حل اللغز.

بس الغربان عارفة غريزيا ان لما تحط حصي جو الزجاجه الميه هترتفع وده الي حصل والغربان هما الي فازو بالمكافئة.

اغلب الحيونات لما نحط مريا قدمهم بيفتكرو ان ده حيوان تاني مش انعكاسهم بس الغريب ان بعض الحيونات زي الفيلة عندها وعي بالذات بتقدر تعرف نفسها قدام المريا وده بيميزها علي مقياس الذكاء عند الحيونات.

حيونات زي القطط والكلاب لما تشوف انعكسها في المريا بتفكر ان ده حيوان تاني مش هما و بتتفاعل معاه علي كده.

الدلافين برضو عندها نفس الوعي بالذات زي الفيلة.

في النهايه علشان نحدد مين اذكي حيون ده بيعتمد علي المعايير الي احنا حطنها علشان نحدد مين اذكي حيوان من وجهة نظرنا.

وبكد نكون وصلنا لنهاية الحلقة وجاوبنا علي سؤال

” أيه هو اذكي حيوان؟ “

علشان لو حد سألك

تعرف تقول ايه .

المصادر

a-z-animals

thoughtco

السابق
مين كسر مناخير ابو الهول؟
التالي
اغرب المعلومات حول العالم

تعليقان

أضف تعليقا

  1. التنبيهات : مساحة المانيا و مساحة مصر | علشان لو حد سالك

  2. التنبيهات : إدمان القهوة | علشان لو حد سالك

اترك تعليقاً